Það er nú ekki hægt að segja að maður sé bloggsjúkur... Hef ekki ritað orð hér inni síðan í fyrra einhverntímann. Er svosem ekki viss um að neinn leggi leið sína inn á þessa blessuðu síðu lengur.

Ef þú ert ennþá að kíkja hérna inn þá vinsamlegast kommentaðu og þú mund hljóta verðlaun

Ég skellti mér á James Bond um daginn og verð nú bara að segja að ég var nokkuð ánægður með hana þótt nýjustu myndirnar séu kannski komnar full langt frá þeim Bond fíling sem einkenndi myndirnar fyrr á tímum. Græjurnar og kynþokkinn spila ekki eins stórt hlutverk og þau gerðu áður. Nú er hraðinn og spennan í fyrirrúmi og hvergi er gefið eftir í tæknibrellum og stunt atriðum. Myndatakan er vægast sagt geggjuð og tökustaðirnir hver öðrum flottari.

Þannig að í grófum dráttum er ég ánægður með hana og mæli með að þið skellið ykkur á hana við tækifæir

Það alveg magnað hvað þessi (litli) gullmoli hefur stækkað hratt... mér finnst eins og hann hafi verið að fæðast í gær. Maður skilur núna af hverju fólk var alltaf að hamra á því við mann að njóta þess að dunda með þessa gríslinga pínu lítil því að það mun styttri tími en maður gerir sér grein fyrir 

Sjáiði þennan strump... Það er ekki annað hægt en að langa til að knúsa hann


Hreinn og fínn, nýkomin úr baði.



Finnst ótrúlega gaman að príla uppá ALLT... dettur þar af leiðandi mjög oft á hausinn.



Svo er líka stuð að troða sér ofan í ýmsa hluti

Ég veit að ég er lélegasti bloggari sem sögur fara af en nú fer alveg að koma að því að maður helli sér á fullt í blogg ruglið og bulli hérna tvisvar á dag að minnsta kosti

Bíðiði bara

Og by the way þá er ekki sama hvernig dúkkur maður leyfir börnunum sínum að leika sér með... Endilega variði ykkur á því

Jæja þá er maður loksins kominn í langþráð sumarfrí og er stefnan sett á Orlando í Flórída á morgun. Það er nokkuð ljóst að það verður aðeins legið í sólbaði og örfáir bjórar fá að finna fyrir því þarna úti

Skelli kannski myndum af mér skaðbrunnum og eldrauðum hérna inn við tækifæri svona fyrir fólk til að hlægja að



PS. Þessar verða örugglega hangandi þarna á ströndinni

Ég henti inn örfáum myndum sem teknar voru í Berlínarferðinni sem við skruppum í fyrir sirka mánuði síðan. Þetta var algjör snilldar ferð og mæli ég eindregið með Berlín fyrir þá sem eru að leita sér að skemmtilegri borgarferð. Fullt að skoða fyrir þá sem nenna því og alveg hellingur til af bjór fyrir þá sem að eru heitir fyrir honum

Smellið á myndirnar til að sjá fleiri eða farið í myndaalbúmið hér efst til vinstri...

       

Hvað gerir maður þegar flytja þarf 8 stykki af borðstofustólum?

Jú maður nær í lyklana af bílnum konunar (Því ekki vill maður nú vera að nota rauða gullmolann í svona skítverk  ) Skellir niður sætunum og bara byrjar að raða. Það er skemmst frá því að segja að stólarnir flugu inn eins og ekkert væri og komust heilir á húfi á áfangastað. 

Ég verð nú að viðurkenna að það kom mér skemmtilega á óvart hversu miklu maður kemur í þessa litlu bíla. Þetta eru sannkallaðir sendiferðabílar í dulargervi
Mæli með Hondu Jazz fyrir alla sendibílstjóra þarna úti.

Annaðkvöld er ég svo að spá í að leigja mér lyftara og prófa að keyra drekkhlöðnu vörubretti inn um afturendann á kvikindinu Það verður gaman...

Eins og einhverjir vita þá hóf ég störf hjá hinu ágæta fyrirtæki Latabæ/Lazytown þann 25. mars síðastliðinn. Eftir fínan tíma hjá HN Markaðssamskiptum (sirka 2,5 ár) var bara kominn tími til að breyta til og prófa nýja og spennandi hluti. Þessir fyrstu dagar hjá Latabæ hafa verið þræl skemmtilegir og er ég viss um að þarna verður fínt að vinna. Þarna innanhúss er stór hópur af fínu fólki sem gaman verður að vinna með og læra af. Þannig að maður hlakkar bara til að takast á við þau krefjandi verkefni sem bíða manns þar þó það verði ansi mikil áskorun að koma sér inn i alla þá fjölbreyttu starfsemi sem þarna fer fram. Þetta batterí er orðið svo miklu miklu stærra en maður hefði nokkurntímann getað gert sér í hugarlund.

Það eru allnokkur viðbrigði að þurfa að tala ensku allan daginn í vinnunni og byrja að hugsa hönnun og þessháttar hluti á ensku. En ég held að maður verði nú fljótur að venjast því. Það var nú svosem ágætt að fara að dusta rykið af enskunni sem legið hefur ónotuð síðan í tíma hjá Eric í Fjölbraut á Króknum árið fyrir lurk 

Mínir menn í Man. utd. unnu góðan sigur á Lyon rétt í þessu. Vel verðskuldaður sigur að mínu mati. Hefðum líklega átt að ná 1-2 mörkum inn í viðbót. En eitt mark dugði svosem alveg.

Ljúfa fæðingarorlofslífið hefur því miður tekið enda og er ég byrjaður á fullu í vinnunni aftur. Smá viðbrigði að geta ekki hallað sér aðeins um miðjan daginn eins og maður gerði þegar ég var heima með guttann. En maður hlýtur að venjast því með tímanum

Ég skellti mér í nýju World class stöðina í turninum í Smáranum í gærkvöldi. Var þræl fín stöð í alla staði og fínt að æfa þarna. Ekki spillti nú útsýnið fyrir því WC er staðsett á 15 hæðinni og stórir gluggar allann hringinn. Það var alveg temmilega mikið af fólki að æfa þarna og því enginn bið eða þrengsli. Þannig að ég var bara sáttur með þetta á allann hátt. Kíki að öllum líkindum þangað fljótlega aftur. 

Ef einhver er til í að kíkja með mér í ræktina á kvöldin um 8-9 leitið, sirka 3-4 sinnum í viku þá má sá hinn sami endilega láta mig vita því það er hálf leiðinlegt að æfa einn

Jæja þá er maður loksins kominn í fæðingarorlof og því aldrei að vita nema maður bloggi kannski oftar en einu sinni í mánuði

Við feðgar erum bara í góðum fíling hérna heima og tökum því rólega. Ótrúlega nice að halla sér 4 sinnum á dag og slappa af þess á milli. Skellum kannski í eina eða tvær þvottavélar og vöskum upp ef þannig liggur á okkur en annars er bara verið að borða, sofa eða leika sér allan daginn

Ég skellti mér í bíó á laugardaginn með Sólveigu systir og Jóhannesi og myndin sem var fyrir valinu var Brúðguminn í leikstjórn Baltasars Kormáks. Ég fór á þess mynd með mjög litlar væntingar eins og yfirleitt þegar ég fer á íslenskar myndir. Því oftar en ekki þá hefur maður komið út í lok myndar með kjánahroll fyrir allan peninginn og heitið sjálfum sér því að nú fari maður aldrei aftur á íslenska mynd framar. EN nú var heldur betur breyting á... Ég verð að mæla eindregið með þessari mynd því mér fannst hún bara þræl skemmtileg og flestir ef ekki allir leikararnir að koma sínum hlutverkum mjög vel til skila. Hilmir Snær er náttúrulega bara besti leikarinn sem við eigum hérna á klakanum í dag. Hilmir ásamt Þresti Leó og Ólafi Darra voru að leika þetta mjög vel og voru þessar persónur sem þeir léku alveg þræl skemmtilegar.

Þannig að ef ykkur langar á fína íslenska mynd þá mæli ég með Brúðgumanum...

Óska öllum gleðilegs nýs árs og þakka kærlega fyrir það gamla

Ég biðst innilegrar afsökunar á þessu bloggleysi sem hefur hrjáð mig síðustu vikur. Það er bara ekki sniðugt hvað mér dettur bara alls ekki neitt í hug til að skrifa. Það er kannski ekki heppilegast að ég sé að vinna á auglýsingastofu þar sem hugmyndirnar þurfa að hellast yfir mann á degi hverjum eins og Reykvísk rigning  En ég vill samt þakka þeim örfáu sem sjá sér ennþá fært að mæta hingað inn á þessa síðu daglega í von um nýtt blogg

En nú lofa ég að það verður breyting á og er stefnan sett á að minnsta kosti 3 blogg í mánuði..... össss.... það er bara pressa mar. En hvað um það nú er komið nóg um blogg hérna á blogginu

Man. utd. unnu frækilegan sigur á Sporting mönnum í Meistaradeildinni núna rétt í þessu. Sigurmarkið átti hinn snoppufríði Ronaldo beint úr aukaspyrnu. Stórglæsilegt mark það. En var alls ekki ánægður þegar ég sá að helvítis UEFA síðan hafði klúðrað því að skipta Ronaldo inná fyrir meiddann Rooney eins og ég gerði í dag en hún krassaði alltaf þegar ég staðfesti skiptingar. Var kominn með kallinn sem fyrirliða og ég veit ekki hvað... Hefði þá fengið sirka 18 stig fyrir kappann. Sem hefði nú bara verið ágætt sérstaklega af því að Arsenal og Barcelona menn skitu á sig.

Það er alveg magnað hvað undanfarnir mánuðir hafa liðið ótrúlega hratt. Finnst sumarið rétt vera búið og það eru bara að koma jól. Það eru ekki nema 27 dagar til jóla og fríið verður ekki af verri endanum þessi jólin því þau hitta einstaklega vel inn á dagatalið. Sem er náttúrulega bara gott mál því þá fær maður enn meiri tíma til að troða sig út af svínakjöti, hangikjöti og lifandis ósköpum af Macintoshi sem allir virðast kaupa nokkur bretti af fyrir jólin.

 

Það er alveg ótrúlegt hvað það þarf lítið til að skemmta litlum börnum... Nóg að ýta nokkrum sinnum á nefið á þeim og deginum er bjargað. Hvernig væri þetta ef við fullorðna fólkið værum eins einföld og ánægð með þessa litlu hluti. Sjáiði þetta ekki fyrir ykkur... Þú kæmir í vinnuna/skólann og einhver væri eitthvað leiður eða í fýlu... þá er bara að dingla létt á nebbalinginn á honum og allir eru sáttir Bara að lífið væri jafn einfalt og hjá börnunum

SJÁ DÆMI HÉR !!!

 

Eftir hálf slappa byrjun hjá okkar mönnum þá held ég Man. utd. fari nú að detta í gírinn af alvöru í allra næstu leikjum... ég vona það allavegana því fyrstu leikir liðsins á þessu tímabili hafa nú ekki verið til að hrópa húrra yfir. 

En eins og sést á myndinni hér fyrir neðan þá er Viktor Smári orðinn mikill áhugamaður um fótbolta og situr með föður sínum og horfir á alla leiki Man. utd. með ískaldann pela í hönd... good times hjá okkur feðgunum mar